› 選擇地區
三藩市
紐約
洛杉磯
其他美國地區
香港 台灣 北美
 
2016年11月08日

認同梁振英是「港獨之父」

梁振英去年發表《施政報告》批港大《學苑》倡港獨,被轟刻意小事化大。

【本報訊】不少人將梁振英封為「港獨之父」,認為梁不斷將香港港獨問題小事放大,胡國興認同梁振英將港獨問題「放到大一大」:「講到『嘩,好大危險呀、好大呢股勢力呀』,當然佢有佢嘅動機啦」,質疑梁誇大情況並以強硬手法打壓,藉此博取中央認同爭連任。

相關新聞:愛打邊爐 因「有得揀」

稱誇大情況博連任

「一年前我都未聽過港獨,(啲人話梁振英係港獨之父嘛!)咪就係囉!」胡國興認為港獨問題本來流於學術討論,「開吓會、傾吓偈」,「實情你咪由佢哋講到夠囉,冇緊要㗎,因為根本係做唔到,係荒謬,(若港獨)你水都冇得飲,食嚿豬肉貴到唔得了」。
但胡國興指梁振英小事化大後卻儼如「成行成市」,惹來中港敵對情緒。胡相信中國如此強大國家,「唔會驚(港獨)嘅,但一定唔鍾意」,「如果將佢(港獨)一路吹噓、煞有介事,話好多人乜乜,中央最少喺個腦到都會跟進,係咪唔理佢?抑或停止佢?咁佢梗係想停止佢,因為係有0.0001%風險都唔好畀佢講嘛」。
問及梁誇大港獨的動機,胡估計梁藉此施以強硬手腕打壓,博取中央認同及連任,「我諗都係呢個理由,如果唔係做乜要誇大呢啲咁嘅嘢?」他並指人大就宣誓案搶先釋法,與梁誇大港獨不無原因,又指梁振英破天荒在宣誓司法覆核案中任原告人,絕非要為中央做「醜人」,而是想做「領功者」。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載