蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月07日
馬上成為壹會員

隔牆有耳:
劉進圖 安裕 籌組 
傳媒老鬼搞網媒 下月登場 - 李八方

早前有傳一班新聞界地位十足嘅傳媒老鬼打算成立一個網媒,立場、資金同編採都強調獨立,近月開始有眉目。呢個網媒已經命名,叫《眾傳媒》,英文名叫做Citizen News,已喺荔枝角環薈大廈租咗辦公室,近月開始派記者採訪。

盼眾籌支持營運

搞《眾傳媒》嘅新界聞殿堂級老鬼包括記協前主席兼香港電台前採訪主任麥燕庭、明報前總編輯劉進圖、明報前執行總編輯姜國元(安裕)、《南華早報》前資深政治編輯兼《信報》前副總編輯楊健興(Chris Yeung)等,總編輯一職就由台灣《蘋果日報》前網路中心總監李月華執掌。搞手們都希望重拾傳媒昔日光輝,以獨立嘅身份報道新聞。
李月華同傳媒講,《眾傳媒》有手機版同埋桌面版,𠵱家忙於搞網站設計同埋供稿系統,希望下月推出,現時受薪同事約有10個。李月華話,之所以搞《眾傳媒》,係希望喺即時新聞鋪天蓋地嘅社會提供深入、容納不同意見、分析文章嘅平台畀讀者:「我哋唔會有好多即時新聞,但希望新聞能夠做得深入啲,提供唔同嘅見解畀讀者。」
傳媒嘅資金向來惹人注目,李月華話,有幾位捐款者因為支持佢哋嘅理念,所以捐錢成立《眾傳媒》,但唔能夠透露對方身份。至於日後嘅資金,佢哋希望透過眾籌方式支持營運。佢又話《眾傳媒》係咪能夠長遠營運下去,最少都要睇3年時間。

李八方

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載