› 選擇地區
三藩市
紐約
洛杉磯
其他美國地區
香港 台灣 北美
 
2016年11月02日

隔牆有耳:
一聽「去馬」阿松收起笑容 - 李八方

噚晚阿松偕老婆伏明霞出席醫學博物館晚宴,久未露面嘅梁太更顯富泰。

特首選戰提早開跑,自然各種消息滿天飛,好似噚日有報章爆財爺曾俊華,竟然得唔到中央鼓勵參選,不過八方見佢噚晚出席醫學博物館20周年籌款晚宴,依然有笑容,但就例牌封口乜都唔講,所以同場焦點,就走咗去另一位疑似特首參選人梁錦松身上。
梁錦松是否得到中央祝福,八方真係唔知,所以佢一到會場,八方就衝埋去問,佢會唔會去馬?點知佢唔只口密,連笑容都欠奉,不過到佢主動搵曾俊華傾偈同合照嗰時,就笑到停唔到喇。
其實同佢兩位合照嘅,仲有港鐵主席馬時亨 ,聽聞佢之前好撐梁錦松出嚟選,𠵱家起碼都多咗個胡官,咁佢𠵱家撐邊個?馬主席係慷慨嘅,用「呀嘿」兩聲笑聲答咗八方,唔知係咪都想睇定啲先呢?其實想睇定啲先嘅,仲有上屆醫學界選委票王蔡堅,堅叔話𠵱家唔使急,留番自己真係當選選委,先至逐位特首參選人慢慢斟。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載