蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年10月28日

葉劉想參選 批評曾俊華hea

70,461

【本報訊】胡國興搶閘去馬選特首後,新民黨主席葉劉淑儀昨亦稱有意落場競逐;身為行會成員的她更認為下屆應該換特首,因為社會求變心極強,直指梁振英應面對現實,「你係咁冇民意基礎嘅,你夾硬選到,都做唔落啦!」至於坊間的熱門特首人選財政司司長曾俊華,葉劉批評對方「hea住做」。

相關新聞:梁變被動 令人感中央拒支持

表明應換特首

葉劉昨於電台節目表明應換特首,問及身為行會成員,此舉是否「跳船」?她強調只是講事實,一直支持特區政府,給予政府最忠誠的意見。
她直認有興趣參加明年的特首選舉,但最快要待12月選委會選舉結果、視乎屆時委員分佈才決定是否參選。至於剛宣佈參選的胡國興,她指胡的法官身份予人感覺地位崇高,沒有利益轇轕,在誠信方面有好處,但管理、行政及處理社會問題經驗卻是「零」。
至於大熱曾俊華,葉劉不諱言:「我唔懷疑佢想選,亦都知有好多人支持佢,有財團支持佢,亦都有人話經營咗兩年啦」,「網上已經有好多『鬍子叔叔』呀、『薯片叔叔』呀,佢一直都走本土派路線嚟谷民望啦……」
但是葉劉批評曾俊華擔任財政司長10年,並沒有太多成績,「有啲hea住做」,又表示曾俊華若果一如傳聞去信中央表明或辭職參選,「我覺得就唔係好恰當啦,冇乜禮貌㖭。(應該點呢?)你親自去北京(同中央講)」。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載