› 選擇地區
三藩市
紐約
洛杉磯
其他美國地區
香港 台灣 北美
 
2016年10月25日

學生擔心課程被騎劫

中四生鄺澔儀指課程改革以提升國家歸屬感為主。 許頌明攝

【本報訊】初中中史課程改革首階段諮詢問卷只發給校長及中史科科主任,前線教師及學生則欠奉。有中學生團體指諮詢文件多次提及「國民身份認同」,「咁到底係咪(國民教育)騎劫咗中史課?」
中四學生、中學生議會候任議員鄺澔儀稱,閱畢諮詢文件後感到「好苦惱」,「1997年(中史科課綱)只係講要認識民族、本土文化同歷史,但𠵱家就係提升國民身份認同、認識多啲國家、認識多啲香港喺中國之間嘅角色同關係,好多都係以國家歸屬感為主語」。

相關新聞:專家:港史有條件獨立成科

「孫中山都係略略講」

鄺續指,現行課程與局方建議的新課程,同樣有內容太多的問題,「𠵱家課程一去到中二、中三就要趕書,教到中華人民共和國成立就完,後面啲民國時期通常都係略略講吓孫中山,文化大革命、六四直頭無教;如果再加香港史,我第一時間係諗教唔教得晒啊?」
她又指常感初中中史科「好悶」,「尤其古代史真係好悶,好似古代社會經濟史、貨幣制度、當時社會概況呢啲真係完全唔想讀,感覺同自己無關」,建議刪減遠古時期的制度或經濟史。
■記者葉偉東

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載