› 選擇地區
三藩市
紐約
洛杉磯
其他美國地區
香港 台灣 北美
 
2016年10月24日

「手多」評游蕙禎長髮捱轟

何秀蘭(左)1998年夥拍劉慧卿(右)出戰新東,下雨天仍舉傘拉票。

【本報訊】青年新政游蕙禎的一把長頭髮,不但吸引宅男,連人稱何姨姨的何秀蘭亦高度關注。何早前在facebook發文,指外界關注游的「扑嘢論」,但其長髮影響更大,因要用大量食水保持整潔,損害環境,惹來網民負評,游亦撰文諷刺「派少啲微膠粒」;何秀蘭對此直認「手多」,表述或未夠清楚:「我將好緊張嘅環保議題寫埋落去,可能畀咗大家一個聯想:吖,係唔係你輸咗唔抵得呀?」

相關新聞:議員變職員 何秀蘭留守議會 整理資料 推動議政知識為本

指「扑嘢論」無問題

一直蓄短髮的何秀蘭解釋,「見親人哋長頭髮,好似長毛,我都話:好唔環保、剪咗佢啦」,強調地球氣溫變化,即將到達不可逆轉地步,希望減少耗費能源,故特別關注別人的長髮。
至於游講述年輕人性生活的困局時提及「扑嘢」,她認為完全沒問題,「中國人社會對性有好大禁忌,所以當一個年輕人用俚語、俗語、潮語去形容性行為,嘩,大家就睇到眼都突……我覺得呢個好冇必要(即對此譁然),每一代嘅語言都會慢慢咁變。」
她說近日翻看《香港回歸歷程—鍾士元回憶錄》,亦發現歷史在重演:「書入面話鍾士元話91年直選後,議員用俚語、俗語譁眾取寵,咪即係講緊𠵱家嘅(立法會)老鬼囉」,強調「每一代都覺得新一代唔順眼,其實只係語言同生活方式唔同咗啫」。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載