› 選擇地區
三藩市
紐約
洛杉磯
其他美國地區
香港 台灣 北美
 
2016年10月21日

西環集中營:
立會推政策難上加難 - 季陶

今屆立法會只開了兩次會,民主派與建制派已「開大片」。資料圖片

今屆立法會只開了兩次會,民主派與建制派已「開大片」,建制為阻青年新政梁頌恆、游蕙禎宣誓,不惜玩流會。有官場中人直言,從現時局面看,今屆立會建制派較上屆團結,對政府或有好處,但另一方面民主派與建制派矛盾較上屆更嚴峻,加上一班新世代本土派,以及快將進入特首選舉期,他預計政府要在立會推重大項目將更困難,「直到下屆新特首上台,政府冇乜嘢可以喺立法會入面成功推到」。
多名官場中人分析,今屆立會少了自由黨田北俊後,自由黨對特首梁振英的態度有改善,從選主席到阻梁游宣誓,自由黨均有跟建制派大隊,可見今屆建制派將較上屆團結,「冇咗田少喺立法會,起碼少咗俾自由黨插政府,亦唔怕自由黨忽然扭計,政府要數建制派嘅票,會比上屆易咗」。
不過政府可以箍緊建制派40票,是否代表較易推動有爭議政策?另一官場中人卻認為未必,新一屆只開了兩次會,建制、民主派已「打大交」,兩大陣營根本各不相讓,民主派沒了一班「大佬」,加上新世代本土派加入,民主派立場只會較上屆更強硬,政府要推動有爭議的重大項目只會更困難,「以前或者同民主派仲有得傾吓,𠵱家怕且傾都好難傾,個個唔會肯妥協」。
更令該官場中人擔心,現時民主、建制已「紮行馬」各不相讓,未來兩大陣營衝突只會不斷升級,「隨時連冇爭議嘅嘢都因為兩大陣營開火受拖累過唔到」,所以他對未來有多少政策可通過立會並不樂觀,「除非出年特首選舉有突破情況,否則睇唔到有乜出路」。

季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載