› 選擇地區
三藩市
紐約
洛杉磯
其他美國地區
香港 台灣 北美
 
2016年10月20日

隔牆有耳:
謝大契靠邊站冇得邀功 - 李八方

雖然係流會始作俑者,但謝偉俊喺記招被發配邊疆(箭嘴示)。

喺建制陣營中算異類、有時持相反意見嘅謝偉俊,其實算係宣誓流會風波嘅先鋒,周一率先公開建議除非梁、游宣誓前道歉否則建制派集體離場。查實呢位西環大契當日提建議時,俾梁美芬同何君堯等潑冷水,點知大家噚日齊齊歸隊;官媒新華社其後讚「愛國愛港」議員集體離場,阻止辱國議員宣誓,法律超人似乎對阿爺有超乎常人嘅理解力!
據聞有建制派一早聽聞流會建議,但驚玩得太大,估唔到俾謝偉俊搶閘建議。謝偉俊話當時唔知政府會提司法覆核,但又會咁啱建議11月3日開審前嘅會議玩流會?佢話畀三次機會梁游考慮道歉好正常,所以先咁建議喎。但建制派流會後拉大隊見記者,謝偉俊只靠邊站;唔通低調先係生存之道,定其他人唔想畀非一般建制派邀功?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載