蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年10月18日

八方相當年:
雪盈BB如願做「魔法公主」 - 李八方

11,890

靚女「傘兵」、灣仔大坑區議員楊雪盈,BB時期已經眼仔睩睩好得意,30歲嘅佢記得細個最鍾意攞起紙就畫,同埋睇卡通片,兒時想大個做「魔法公主」,因為可以幫到好多人,兼變走其他人嘅唔開心事,查實同佢𠵱家做區議員嘅目標都幾一致。

兒時最愛刨通勝族譜

甚有文青氣息嘅雪盈BB,朗誦、唱歌都好叻,除咗BB仔時已被父母話佢未識叫人先識唱歌,更由小學二年班開始參加學校合唱團,到大學都未停過,話最享受一班人一齊努力去做好一件事嘅感覺。
除咗唱得,雪盈BB做功課亦好快手,小學已經好鍾意睇書,兒時最愛睇通勝同自己嘅家族族譜(好另類下喎!),佢仲喺小學最後一年刨晒校內圖書館嘅書,連字典都唔放過,難怪中大藝術系畢業嘅佢笑言如果唔係讀藝術,應該去咗讀語文。
中學讀九龍文理書院,幫過學生會做聖誕party司儀,𠵱家每年都返母校探訪。而佢嘅藝術天份到咗大學時充份發揮,大學時一直兼職教細路仔畫畫,之後做埋中大專業進修學院文化管理系講師。當選區議員後,佢嘅書法天份亦大派用場,喺請願橫額上親筆寫字,將嗜好變成抗爭一部份。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載