› 選擇地區
三藩市
紐約
洛杉磯
其他美國地區
香港 台灣 北美
 
2016年10月15日

隔牆有耳:團體抗議《巨輪II》抹黑工人 - 李八方

大台劇集除咗「煮個麵你食」之外,仲成日俾人鬧劇情事事旦旦,今次就俾工會鬧抹黑工傷人士呃賠償。勞工工作者聯合陣線噚日去大台門口請願,批評大台劇集內容脫離現實同對法律描述錯誤,好似劇集《巨輪II》,就講述角色郭叔做嘢時跌傷腰,但僱主就話郭叔係舊患復發唔算工傷,反指郭叔想呃錢。再離地啲嘅,仲有《純熟意外》中有對白話「呢幾年有唔少工傷詐騙」、「唔使返工都可攞到兩年病假錢,冇事都扮有事啦」。
勞工工作者聯合陣線話,呢啲片面反映呃工傷現象嘅劇情,除咗營造工傷人士負面形象,仲好傷一班真正工傷人士嘅心,猶如喺佢哋傷口上灑鹽,「新聞已經做得差啦,𠵱家連電視劇都要去抹黑弱勢社群,係非常可恥」,希望大台改過自新,盡番社會責任,公正持平描述各項工傷事故,避免坊間誤以為逢傷必呃。
《蘋果》向大台查詢有關事件時,對方就話「你知啦你係《蘋果》嘅,我哋係唔會回應㗎」,果然好有社會責任。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載