› 選擇地區
三藩市
紐約
洛杉磯
其他美國地區
香港 台灣 北美
 
2016年10月15日

隔牆有耳:正音克勤胸羅冠聰 
斥宣誓走音 應被視為無效 - 李八方

今屆立法會議員宣誓,青年新政梁頌恆同游蕙禎、香港眾志羅冠聰宣誓玩口音喺誓詞加料,結果引嚟港府同建制派大鬧,成班建制派議員忽然成為正音專家,拎住班本土議員讀誓詞口音造文章。但最諷刺嘅係,其中一個批評羅冠聰讀音唔正嘅議員,竟然係當年將try my best讀成「搓my breast」、俾人笑到𠵱家嘅民建聯陳克勤!但佢即刻俾其他議員寸,話佢宣誓時一樣好多字讀音唔正,認真冇面!
話說噚日開內會,成班建制派議員係咁鬧梁頌恆同游蕙禎嘅誓詞加料係「辱華」,要求兩人先道歉同收回言論。呢個時候陳克勤梗係唔執輸加入,但係佢就將矛頭指向已獲立法會秘書長陳維安確認宣誓有效嘅羅冠聰,話佢宣誓時將中國個國字讀歪音,應該宣誓無效,要重新宣誓喎!

遭慢必寸讀「國」字唔準

點知做電台DJ出身嘅人力議員慢必陳志全就即刻用專家口吻將陳克勤軍,踢爆佢宣誓時好多個字讀音都唔正,例將個國字讀咗做「角」,如果羅冠聰要再宣誓,唔知陳克勤又使唔使宣誓多次?
其實宣誓讀音唔正,又點只陳克勤?好似民記元秋蔣麗芸咁,佢自己就喺fb認,普通話宣誓練習咗好多次仲係發音未達標,如果按陳克勤標準,怕且自認發音唔標準嘅元秋都要再宣誓多次!

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載