› 選擇地區
三藩市
紐約
洛杉磯
其他美國地區
香港 台灣 北美
 
2016年10月15日

學沖啡 好鬥女變沉實

海圖門口列出多項店規。

【本報訊】邊青咖啡店或許令人卻步,但甫入咖啡店,原本坐在門外,正想抽煙的Ace見到客人,馬上說「裏面有位啊,可以入去坐」,順道為客人推開門,談吐有禮。22歲的Ace自小被欺凌,形成她以暴易暴的個性,「見人唔順眼就打,因為好介意別人嘅目光」,連老闆Amen也認為Ace是咖啡店中最難對付的一人。
Ace中五畢業後,做過的工種多到難以想像,但漫無目的,直至看到老闆Amen的故事,她到咖啡店便問,「我知你唔請人,我唔收錢,可唔可以喺度做,Amen話唔得,唔收錢過唔到自己嗰關,過咗幾日,就請咗我」。Ace願意做免費勞工,因為咖啡店的理念引起她的共鳴,亦因為她想學沖咖啡,「如果Amen做得到,都會幫到我改變,佢係令到我沉實咗」。對Ace而言,Amen是老闆亦是朋友,咖啡店亦令她尋回家的感覺。

相關新聞:禁催單café 邊青老闆專請邊青「他們被社會否定 我給他們肯定」

逃學威龍:老闆似阿哥

19歲的Dee也是海圖店員,他自小逃學,中四已輟學,直至一年半前遇到老闆Amen,亦從此改變了他,「Amen唔似一個老細,似阿哥,佢會鬧,但鬧完嗰種感覺,令你知出發點係好」。訪問期間,二人在吧枱沖咖啡,Amen一直都叫他「細佬」。Dee直言因為Amen才到咖啡店工作,「覺得呢個人為自己嘅信念堅持,覺得呢個人好勁,好崇拜呢個人,以前都未試過有呢種感覺」。
■記者梁佩珊

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載