› 選擇地區
三藩市
紐約
洛杉磯
其他美國地區
香港 台灣 北美
 
2016年10月11日

何君堯:絕對唔係中聯辦栽培我

【新丁巡禮】
【本報訊】 經常語出驚人的何君堯,被認定是新一屆議會狙擊泛民重炮手,但他自稱是「道理捍衞者」,不應降Grade形容他是炮手。「西環契仔」之名抹不掉,他承認中聯辦支持參選,但非「畀票」,聲言:「絕對唔係中聯辦栽培我何君堯!」

相關新聞:傳未申擁英籍 梁聲明疑失實

「炮手形容我 係低幾個Grade」

2008年法律界功能組別敗選、2012年新西直選落敗,打着反佔中旗幟,今屆終於新西以尾席當選,54歲的何君堯稱參選是因「使命感」,尤其亂世需要勇者:「當昇平時,多多人都想做(議員),我覺得你唔一定發揮得到;但𠵱家係需要多啲人去參與、需要『撥亂反正』」。
惹火言論數之不盡,例如回應初一騷亂警員開槍,認同指「非槍殺市民是槍殺暴徒」:最近曾嘲諷同樣於新西當選、涉被恐嚇的朱凱廸自製新聞。何君堯強調不怕網民抨擊,自稱夠膽講嘢;問及會否在議會任炮手,成為反擊泛民主將?「炮手似乎係分咗敵我,但我無,我會企喺事實嗰邊,我係一個道理捍衞者,炮手係有攻擊性、授命於某一個人,我係代表一個道理,用炮手形容我,係低咗幾個Grade。」
不避談中聯辦,何君堯直認中聯辦「精神上梗係支持(參選)啦」,「但𠵱家話係佢畀幾多票你,絕對冇咁嘅事,佢邊度有票箒?我要爭取嘅票,就在街上」。
何君堯指競選期間全天候拉票,凡事有自己看法,88年加入法律界後一直努力,「唔係中聯辦栽培我何君堯,搞清楚,亦唔係中聯辦幫我何君堯,係我何君堯行出嚟幫香港」。
多番提及「何君堯」的何君堯稱,「同西環無契嘅關係」:「如果話中聯辦幫何君堯嚟幫香港,可能你就睇得我好似大咗;又或者係咪淨係何君堯可以做到?又好似誇張咗!如果中聯辦專登嚟幫呢個何君堯、而何君堯根本無咁嘅能力,咁幫也幫不了」。
他承認獲不少建制組織支持,但自信支持來自個人,「何君堯本身建立咗一個風格」,「係咪(幫)一個無情白事何君堯,名不經傳?如果係咁就抹煞我之前30年嘅工作……(如果說)中聯辦支持何君堯、何君堯係西環契仔,所以先至成功,我覺得呢樣嘢對我唔公平,亦對投票畀我嘅選民,侮辱咗佢哋嘅智慧」。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載