› 選擇地區
三藩市
紐約
洛杉磯
其他美國地區
香港 台灣 北美
 
2016年10月07日

辯方出動羅庚 要事主示範

羅庚

【本報訊】女事主X指黃偉民教授她使用羅庚時從後挨近她,觸摸她的上臂及腰間。儘管被告涉及的非禮罪不涉這個情節,代表黃的資深大律師潘熙盤問X時出動黃的私伙羅庚,要求她及調查本案的女警在庭上示範及重演黃教授她用羅庚的情況。X照做,但稍後當被質問為何被侵犯後不當場大叫時則激動哭起來:「點解我俾人非禮唔出聲就好似我錯?」

相關新聞:商台前主持涉非禮 藉教風水揸臀稱「有性慾做愛先有細路生」

被質問不大叫時爆喊

X接過羅庚後扮黃,而女警則扮X。辯方認為,若真如X所言黃緊貼她而站立,黃便看不清羅庚,X反駁稱:「咁佢唔係教人睇羅庚,佢係非禮緊我!」示範完畢後,裁判官立即說:「畀番個羅庚你,可能好名貴。」
辯方質疑當時有數名學員在場,若黃眾目睽睽非禮X,她為何不當場大叫?X稱感到尷尬,兼「諗都未諗過,唔知可以點」,又指「我尊重師傅,信得過佢」。X說:「點解我俾人非禮唔出聲就好似我錯?我大嗌之後可以做乜?個個望住我!我成世人未落過口供,未報過警,我乜都唔識……」官見事主情緒崩潰,哭成淚人,宣佈休庭片刻,讓她平復心情作供。
■記者戴國輝

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載