› 選擇地區
三藩市
紐約
洛杉磯
其他美國地區
香港 台灣 北美
 
2016年09月27日

邵家臻:冇傘運就冇臻議員

【本報訊】傘運期間的金鐘,湧現「今天我……」的燈海;金鐘燈光熄滅後在各區閃閃生光,小至法團互委會,大至立法會舞台,都有抗命不認命的燈火躍動。大台咪手之一的邵家臻說,傘運催生新政治佈局,不能否認的是:「冇傘運,就唔會有臻議員。」
過往不時有人邀邵家臻參選立會,但被他拒絕:「做一個評論員、做一個社會運動者,係我去揀議題;但做議員就係議題揀我,即係冇得揀,乜都要招呼。」拉票是另一難處:「要周圍去拜票,係真係去頴票喎,我嘅脾性唔係咁。」
「係佔中改變咗我」,邵2013年答應擔任佔中死士,籌備過程要保密,加上要與各界互傳訊息,轉變開始出現,「我大開大合、直腸直肚,但呢種隨心同隨性,要為咗件事調一調」,「原來唔調由自可,一調就係咁調;有時連死貓都要食、又要俾人鬧,真係要調人先要調自己」。調節後邵發現:「有啲歷史任務,大於自己嘅性格同喜好。」

相關新聞:「佔領埋都睇唔到民主」深感挫敗

抗命種子散落社區

傘運期間除病倒入院,幾乎每天留守金鐘,籲市民亮起手機唱「今天我……」,從燈海看到的凝聚力,即使有人嫌太過和理非,「我都覺得冇錯」。至今不忘被拆大台滋味,邵承認對如此大型的群眾運動,有處理不善之處,例如作為咪手,應及早開放大台供各界發言;同時應有足夠策略回應流言蜚語,「我哋都中咗招啦」。他說的是前年10月14日那一夜,有人衝上台說龍和道已經發催淚彈,慌亂中他在台上引述,結果催淚彈是假的,四面八方向他而至的「炮彈」卻是真的。
「我覺得有啲陰謀,係想我唔好行出嚟」,既然已調節自己,47歲的邵家臻遂闖進選舉舞台,在恐被染紅的社工註冊局成為票王,再於社會福利界當選。他說傘運帶來政治醒覺,立法會投票率或因此破紀錄,「多咗好多人想要新面孔同新嘅政治佈局」。
兩年時間雖難判定成敗,邵卻肯定傘運敗而不潰,至少抗命不認命的精神已植根,市民由認為犯法好危險,到支持有需要時公民抗命,「你見到啲種子係散落咗,好多人願意深耕細作,由唔同地區組織,同最近嘅太和邨(踢走建制法團),大家睇到,只要唔認命,可以有機會轉變,長遠肯定係成功嘅」。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載