› 選擇地區
三藩市
紐約
洛杉磯
其他美國地區
香港 台灣 北美
 
2016年09月15日

隔牆有耳:
亡國興:容海恩小人得志 - 李八方

選舉後嘅口水戰日日精采,其中被指係西環新契女嘅新民黨容海恩經常失言,已經成為女版Tree根!
好似喺超級區議會落馬嘅工聯會王國興咁吖,佢接受《香港01》訪問時被問到,容海恩早前接受傳媒訪問時話喎,工聯會鄧家彪新東敗選,係因為未能迎合社會潮流、未能與時並進,亡國興即刻回應,如果認為工會行唔通,係對工人運動嘅不公評論及侮辱,更加直言:「叫容海恩唔好笑得太早,佢未必可以笑到最後。呢啲咪係小人得志,語無倫次!」

話網民慶祝落選無聊

獲西環加持,到底係好事抑或壞事?唔知大家睇容海恩嘅例子,會唔會有所啟示?盛傳建制陣營為民建聯周浩鼎告急搞到亡國興墮馬,唔知會唔會令亡國興更加火滾?但佢受訪時話近百名網民喺佢落選後到佢喺小西灣嘅區議員辦事處外慶祝,真係好無聊喎,但一般網上惡搞就冇乜所謂嘅。
至於會唔會成為劉江華翻版加入政府,亡國興搖頭話:「始終係工聯人,為打工仔發聲緊要」,將來會駐守喺自己嘅區議員辦事處,繼續為市民服務。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載