› 選擇地區
三藩市
紐約
洛杉磯
其他美國地區
香港 台灣 北美
 
2016年09月12日

隔牆有耳:
何君堯話蛇齋餅糭係禮貌 - 李八方

有「西環契仔」之稱嘅候任立法會議員何君堯,政界認定佢肯為阿爺「博到盡」而得寵,力谷佢入立法會,或者係要成為阿爺嘅強力大炮。何君堯都好識做,未上任已經向阿爺「找數」,前晚喺社交網站facebook直播,借中秋節食生果,力撐建制派嘅蛇齋餅糭手法無不妥。嘩,西環又可以領功咯!

送簽名海報畀fans

何君堯直播時邊食日本蘋果邊回應支持者提問(圖),話中秋節到嘞,享受吓啦,強調送禮係中國人嘅文化同禮貌表現、並非只為選票投其所好,指蛇齋餅糭背後係想「𠱁吓老人家開心」!
佢仲話積存咗百幾張選舉海報,會陸續寄出簽名海報畀支持者,感謝支持者時坦言,「係有人覺得我乞人憎」,相信有人對佢先入為主,但堅稱有能力令人「唔好咁憎我」,歡迎大家同佢多溝通。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載