› 選擇地區
三藩市
紐約
洛杉磯
其他美國地區
香港 台灣 北美
 
2016年09月12日

【一周必看】
因師因乜事告退 中出羊子都淡出

喺新界東落選嘅香港復興會陳云根、即係國師陳雲,之前喺facebook帖文,首句「各位陳雲haters,我告退了」,震驚唔少網民。國師話喎,會喺合約結束後,終止現時僅有嘅兩個網媒專欄,即係雅虎網站、熱血時報,同時亦會中止Myradio嘅《本土論壇》。

唔見聲、唔見文,都未止,佢話適當時候會停用而家嘅facebook帳戶:「網上的我將會逐步消失,直至寂滅,包括這個我用了多年的面書戶口,將在適當時候終止。」

到底發生咗乜事?睇睇佢喺投票後,講過乜嘢先!其實喺新東攞到兩萬三千幾票、敗選但查實得票唔差嘅國師,喺facebook話過「香港人不配擁有國家」,並指:「陳雲逆天而行,妄圖為香港人無痛地建立香港國來度過厄難,今後閉門思過,不再見無謂之客,不淨之人。」

佢當時仲提及雷動計劃,「我的港獨計劃,用永續基本法的憲政技術,部署一年,先後徵得美國贊同、中共不反對,然而被香港人否決了,很多投票者信任泛民的雷動計劃而一票不給陳雲,在最後幾個小時等待戴耀廷的指示,蜂擁往票站配票,令陳雲功敗垂成」,似乎都好不滿噃。

咁以後仲有冇機會見到國師?國師明言:「往後,只有我喜歡的人,才會在現場見到我。」唔知一直喺國師facebook得到心靈慰藉嘅粉絲,係咪從此傷心鳥?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載