› 選擇地區
三藩市
紐約
洛杉磯
其他美國地區
香港 台灣 北美
 
2016年09月09日

曾蔭權:放懷看港獨問題

前特首曾蔭權指,港獨真假未明,毋須過份緊張。資料圖片

【本報訊】港獨思潮在梁振英政府嚴陣以待下,近年迅速蔓延,本土派當選進入立法會。不過,前行政長官曾蔭權卻對此另有一番見解,他接受報章訪問時表示,港獨問題真假未明,因此毋須過份緊張,「有啲嘢係真嘅呢,你點消滅都消滅唔到嘅;有啲嘢係假嘅、係虛浮嘅呢,你唔使做咩佢都會自動消滅」。
身為虔誠天主教徒的曾蔭權接受《am730》專訪時,以宗教比喻港獨問題,過去有邪教出現後,不久就會自行消滅,「如果真係真理嘅時候,你撳都撳佢唔住,佢自己走出嚟,所以咁嘅態度睇,放懷啲睇呢個問題」。

相關新聞:超區白票率跌胡志偉:市民重視關鍵議席

指極端言論撕裂社會

曾蔭權又表示,目前社會上各走極端的言論令社會撕裂,「政治中立同中間位置一路扯開,一扯開時溝通上越嚟越困難,我諗我哋𠵱家社會面對嘅挑戰就喺呢度」。
但他相信港人的智慧,會作出有利於香港未來的決定,「香港人係聰明人,佢自己會做好選擇,唔好批評佢話會走去某個位置,如果(去到)某個位置發覺對長遠利益唔好時,佢自己會走返個位置」。
曾蔭權以掌握不到資料為理由,拒評現屆政府及特首處事方法,但他表示,自己在特首任內,於環境許可下曾努力爭取各項成績,如在政制方面,爭取到普選時間表,當時是很大的里程碑;社會福利方面亦有不少成果,如最低工資及長者兩元乘車,「有人唔記得囉,但有啲人就好記得嘅」。
■記者麥志榮

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載