› 選擇地區
三藩市
紐約
洛杉磯
其他美國地區
香港 台灣 北美
 
2016年09月05日

【一周必看】
靠鋼管舞發圍 女攝影師改寫「腿張開」

「奧運係Pole Dance嘅目的地,一定要上到奧運嘅舞台,外界先會另眼相看!」學了鋼管舞兩年的Cara邊說邊舉起手臂展示「老鼠仔」,「Pole Dance其實(應該)係體操項目!」

鋼管舞者的性感衣着,令不少人對鋼管舞有負面觀念,但Cara解釋「少布」是為了安全,「玩體操嘅人都着得少,因為如果我哋無身體皮膚貼住鋼管,係會跌落嚟。」Cara話要把整個人升上鋼管,是需要極大力氣,過程就像體操運動員般辛苦。她憶述最初學習用雙腳夾着鋼管的情況,「係痛到行路都要夾住支冰水,又會瘀晒,瘀到好似伊波拉病毒咁。」

鋼管舞者付出汗水練就每個動作,都希望紀錄成果、留下倩影,剛巧Cara也是一位攝影師,造就她把興趣演化為職業,「我影過小朋友、婚紗、人像、大自然嘅攝影,Pole Dance攝影係最難!」由於鋼管會轉動,最美一刻就只有一秒,鋼管舞攝影師需要非常精準地捕捉那一瞬間。

在Cara眼中,鋼管舞就是藝術,她的相片要同時捕捉到舞者肌肉的線條美、身體的柔軟度、表情的性感位,加上舞者多為女性,女攝影師會令客人更自在。鋼管舞者阿Mo曾經找Cara影相,認為Cara與其他攝影師不同之處,是她自己都懂得跳鋼管舞,「佢識跳就會知道點樣擺位係最靚,佢嘅相show到線條,又show到件跳舞衫,因為啲跳舞衫係我自己整。」

Cara眼見越來越多人學跳鋼管舞,做鋼管舞攝影師開始有市場,於是今年五月與朋友合租一間舞室/影樓,可以跳出美感的同時影出藝術感!Cara希望透過自己的作品,改變外界對鋼管舞的負面觀念。Cara話客人之中,有不少都是媽媽級,「初初見佢哋無乜自信,外界都話佢哋係黃臉婆,但係學完鋼管舞之後,佢哋變得神采飛揚,着靚衫、化靚妝,仲邀請屋企人好似老公、奶奶一齊嚟睇佢哋表演,一個運動可以令女人有咁嘅改變,我覺得係最印象深刻!」

Cara話有生之年都會繼續跳鋼管舞,對她來說這是最好的減壓方法,「感覺係放空,平時有好多壓力,喺鋼管上就可以將煩惱都轉走晒。」

【蘋果360】360°捕捉鋼管舞者跳出藝術美:
https://youtu.be/Ab5TrbXqgqw

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載