› 選擇地區
三藩市
紐約
洛杉磯
其他美國地區
香港 台灣 北美
 
2016年08月31日

隔牆有耳:票站調查員多左校生? - 李八方

在上一屆的立法會選舉,香港研究協會亦派出訪問員進行票站調查。 資料圖片

幾乎每逢選舉,香港研究協會喺全港各票站進行大型民調,周日舉行嘅立會選舉,佢哋都獲批進行票站調查。
八方將協會進行調查嘅訪問員,選取較特別嘅名字上網搜尋,例如梁樂燾、蘇俊諺、鄒宗顯等等,發現情況同以往一樣,大多數訪問員名字與左派學校,好似漢華中學、培僑中學等畢業生同學生嘅名一模一樣,唔通一日係左派人,一世都為左派服務?
香港研究協會嘅創會主席蘇祉祺係江蘇省政協,亦係建制派組織新一代文化協會總幹事。但香港嘅選民久經訓練,唔少人見到香港研究協會嘅調查員,一係挑機、一係講大話、一係耍手擰頭。之不過咁,今年連傳媒機構《成報》都加入戰團做票站調查,唔知大家又會點樣對待佢哋呢?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載