› 選擇地區
三藩市
紐約
洛杉磯
其他美國地區
香港 台灣 北美
 
2016年08月27日

GPS得個樣 iOS 10.0變Android
山寨iPhone 7深圳搶閘賣 膠味濃

【本報訊】全球「果迷」引頸以待的iPhone 7盛傳下月將會發表,不過山寨國貨一如往年又搶先一步,本周二在深圳華強北舉行山寨iPhone 7 Plus「發佈會」,有店舖急不及待向供應商推銷,抄足新iPhone「雙鏡頭」、「移除3.5mm耳機插口」還有「iOS 10.0」。《蘋果》實測首部山寨iPhone 7 Plus,甫開機即「露底」運行Android系統。接駁電腦亦發現顯示內存容量為128GB的手機,竟只有5.13GB。
記者:林熊、張軍、黃學潤

相關新聞:鋰電池無接地線隨時燒機

山寨iPhone 7 Plus與以往真機發佈前搶閘面世一樣,外表抄足,機身輕巧,5.5吋屏幕,有雙鏡頭,移除了耳機插口,機身天線亦作出改動,惟開機後就露出馬腳,手機達人Lo哥說︰「最簡單嘅手機地圖都測唔到位置,GPS得個圖樣!」
Lo哥直言該機「膠味」十足:「開機後要20秒先去到介面,螢幕畫質粗糙,色調好差。」他笑言山寨機外觀有六成似,如未用過蘋果機的人,要開機才分辨出真假,但蘋果機用家一拿上手就知是山寨機。Lo哥試機亦發現山寨iPhone 7 Plus顯示系統是iOS 10,忍不住笑說「去到未來」,「iPhone 6最新軟件行緊iOS 9.3.4」。

零售價約926元

Lo哥又指雖然能進入App Store,但下載時隨即進入Play Store,實際只是Android介面,「最唔掂係手機顯示已開啟GPS但根本唔work,即使有Apple Map都唔用到。」縱使成功下載Pokémon GO,但都捉唔到精靈。其他包括指紋鎖、Wallet、iTunes Store等都只得logo,無實際功能。
據悉山寨機廠現要工人趕工加緊裝嵌,本周內會在深圳一些店舖兜售,目前批發價暫定399人民幣(約462港元),零售價約800人民幣(926港元);該機的主要市場為內地二、三線城鎮及東南亞的印尼、越南及菲律賓。

相關新聞:華強北盼靠新iPhone翻身

【市民心聲】

譚小姐:「外表遠睇有7分(10分滿分),背面感覺都似,但正面就好山寨,(開機)反應慢,畫面唔流暢。」

王小姐:「相機解像度差,介面驟眼睇係似(iPhone),但細心睇又似小米,成部手機得外殼有啲似真機。」

Kelly:「山寨機好輕,觸感同真機相似,但介面Apps嘅排列就好假,唔知係啲顏色定係圖案問題,望落好怪。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載