› 選擇地區
三藩市
紐約
洛杉磯
其他美國地區
香港 台灣 北美
 
2016年08月27日

隔牆有耳:
迪士尼谷鐵甲奇俠吸男客 - 李八方

《星球大戰》主題咁受歡迎,唔知劉永基自己又有冇偷走去玩呢?

去迪士尼玩嚟嚟去去都係公主同王子大團圓結局,八方斷估各位男士去玩,都係陪女伴居多㗎啦!不過迪士尼就話6月開始,多咗一班男性粉絲入場喎,點解嘅?新任行政總裁劉永基噚日喺傳媒茶敍解畫,原來樂園趁暑假不停力谷《星球大戰》結果殺出條血路,男性賓客比之前升咗5個百分點,連劉永基都講笑話,可能有啲爸爸留低老婆同囡囡,自己偷走去玩。
今年底仲會有鐵甲奇俠(Iron Man)主題園區落成,而且係全球第一個漫威動畫主題區,劉永基就希望,新主題區可以再谷多啲青少年同男性顧客群入樂園玩,仲想配合客群定位,第時加多啲Marvel元素入樂園。不過香港都有唔少女仔鍾意Marvel角色,不如請埋扮Iron Man嘅Robert Downey Jr嚟香港啦?吸多班女粉絲入場,劉永基就笑笑口,淨係話Iron Man得一個箒。如果請唔到Robert Downey Jr,會唔會變咗同佢都有幾分似樣嘅Eric Kwok現身呢?各位粉絲拭目以待。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載