› 選擇地區
三藩市
紐約
洛杉磯
其他美國地區
香港 台灣 北美
 
2016年08月19日

林健鋒被轟只跟梁立場投票

【商界(一)】
【本報訊】立法會商界(一)功能組別候選人經民聯林健鋒(圖)拒絕出席所有選舉論壇,港台昨如常舉辦論壇,僅得自由黨陳浩濂一人出席。陳浩濂批評林健鋒不能代表商界,因為林是行會成員,在立會投票時只能跟緊梁振英立場,即使政府提出危害營商環境政策,林也不能反對。

相關新聞:選舉處審批被指黑箱作業

陳浩濂斥不肯面對群眾

因林健鋒拒出席,半小時論壇只有陳浩濂介紹政綱,陳指自己較林優勝,因他會捍衞香港自由市場、營商環境、程序公義,「林生(林健鋒)係行政會議成員,政府破壞營商環境嘅政策、例如破壞程序公義嘅港視發牌事件,或者破壞自由市場嘅雙辣招等,佢都要跟貼行政會議、特首嘅路線,令商會好失望」。
林健鋒曾批評陳浩濂是自由黨棋子,陳反駁林說法荒謬:「我想問,佢(林健鋒)係行會成員,係咪特首CY嘅一隻棋子呢?議員係服務業界,我參選係因為我覺得商界的聲音實在太軟弱。
他又一再批評林缺席論壇,「佢都唔肯面對群眾去解釋商界立場,我哋點可以靠佢將來喺立法會為商界爭取權益呢?」
陳又指,林身兼40個董事職位、還有另外40份公職,根本無時間接觸選民:「一個咁忙碌嘅人實在係冇時間抽出嚟去見選民,所以好多選民都同我講,過去12年從來都冇見過林生,甚至乎電話都冇個。」本身是中西區山頂區區議員的陳浩濂指,自己接受過直選洗禮,深明一定要和選民多溝通。
■記者姚國雄

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載