› 選擇地區
三藩市
紐約
洛杉磯
其他美國地區
香港 台灣 北美
 
2016年08月18日

模型舖如遊樂場 老闆小孩一起成長

【本報訊】「Yeah!中獎喇中獎喇,叔叔我要換獎品!」男孩拿着中獎代幣,滿心歡喜捉着模型舖老闆劉叔叔拿禮物。商場內的模型舖是區內小孩的遊樂場,每次1蚊跟機就可以樂上半天;同時更是尋寶樂園,除了有日本最新款高達模型,90年代舊版高達模型及高達對戰機均有出售,甚至可以發現四驅車始祖「鹽水動力車」蹤迹。

相關新聞:師奶仔 90後少女 聯署聲援

1蚊玩彈珠機

大埔玩具模型店在運頭塘邨開業25年,店外有彈珠機、搖搖車等,最平1蚊就有交易,邨內小孩都愛到模型舖蹓躂。模型舖更是尋寶勝地,BB戰士、高達模型多不勝數,價錢由30幾元至上千元都有;當中更有90年代舊版高達模型、高達對戰機等。
店內更有四驅車始祖鹽水動力車,「架車要自己砌,再會有包鹽畀你放落去,滴兩滴水架車會自己行,唔使用電」。不過店內只餘3輛,「賣完算數,手快有手慢冇」。記者抬頭一望,更發現近年買少見少的紅白西瓜波,相信在公屋成長的港人,走廊、公園踢西瓜波是集體回憶。老闆笑言:「呢啲歷史遺物,間廠話唔會再出,我都係得番呢幾個西瓜波。」
一星期七日都有家長帶着子女在門內玩彈珠機,「叔叔我要唱1蚊」、「中獎喇中獎喇,我要換獎品」。劉叔叔笑着從一個小男孩手上接過代幣,「你係男仔,換個男仔禮物畀你好冇?」小孩接過禮物走回媽媽身邊再玩過。
在運頭塘邨長大的90後Agnes不時去模型舖尋寶,「你睇吓仲有BB戰士模型賣,我由細幫襯到大,嗰時成日一班同學仔入嚟買遊戲卡㗎!」又笑說﹕「叔叔睇住我哋大,其實我哋都睇住佢大,以前佢係後生仔一個,𠵱家成頭白髮。」站在一旁的劉叔叔笑而不語。笑聲、歡樂聲滿載店內,但模型店同樣被逼遷;此情此景,半年後就會消失得無影無蹤。
■記者譚靜雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載