› 選擇地區
三藩市
紐約
洛杉磯
其他美國地區
香港 台灣 北美
 
2016年08月18日

師奶仔 90後少女 聯署聲援

運頭塘商場今年4月由駿昇投資以逾8億元奪得。

【本報訊】小店被逼遷,社區瓦解、摧毀街坊情,商場僅餘連鎖集團。大埔運頭塘邨有居民自發成立「運頭塘互助支援組」,向街坊派傳單,又發起簽名行動,要求新投資者保留6間街坊小店,反對無理逼遷。

相關新聞:模型舖如遊樂場 老闆小孩一起成長

轟不平等租約過份

支援組發起人之一蔡咏梅是典型師奶仔,一對子女更是文具店熟客,她去年底區議會選舉以素人身份參選大埔墟選區,單挑民建聯現任區議員李國英;雖最終落敗,但她關心社區的心不滅。運頭塘邨商場小店被逼遷,身為街坊的她,最不滿業主與租戶簽署的不平等合約。
翻查商場租戶與領展及新業主簽訂的租約,其中一條條款列明,只要業主決定出售、重建、翻新物業等,只須給予租客不少於6個月通知,便可終止合約。她說:「點解要企出嚟?我睇唔過眼、好過份囉……業主畀半年通知就要佢哋走,成件事好唔公義。」
蔡咏梅表示,她與商場小店的老闆關係如朋友一樣,「我嗰女自識行就落嚟商場,𠵱家仔女都讀中學,我真係唔想第時買文具只可以去大書店、商場,我都想有多啲選擇」。
同樣是支援組成員的90後少女Agnes稱,「細個放學就落嚟逛,儲埋儲埋啲利是錢買筆袋,老闆呢度仲有好多款擦膠,買返去就同人鬥新、鬥多」。20多歲的她首次落手落腳參與策劃、簽名運動,「唔想見到社區變成咁,想幫到手」。
■記者譚靜雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載