› 選擇地區
三藩市
紐約
洛杉磯
其他美國地區
香港 台灣 北美
 
2016年08月09日

感冒拒就醫 入院「執返條命」

陳日君早前因氣管炎及哮喘入院三周。資料圖片

【本報訊】長期把自己調校在「鐵人mode」的陳日君,早前成為病向淺中醫的反面教材,因為力排眾議拒看醫生、拒入醫院,結果氣管炎加哮喘入院三周。今年84歲的他終於知驚,除了「學習」休息,也決定要繼續依照良心說話。

相關新聞:遭軟禁上海主教發「悔過書」

戒捱夜 明年不再教書

陳日君今年6月初因濕身而患感冒,接受訪問時聲線仍沙啞,當初「因為有少少嘢未做」拒絕看醫生,到六四晚上祈禱會時,已經無力站着講道,「本身要寫篇(講道)文章,都唔得喇,寫points(要點),坐喺度講,跟住完咗又唔捨得走,又坐埋,返到去唔得喇,第二日去醫院」。
回家吃了3日藥後燒仍未退,陳日君再次求診,但又「因為有少少嘢未做」,拒絕入院,僅取了3日藥,高燒始終沒有退,「發燒我唔驚,氣管炎我都唔驚,因為以前都試過吖嘛,後來哮喘呢,我驚呀!」他拍拍心口,「真係執返條命」。
「我疏忽平時感冒,突然嘭一聲衝出嚟,好彩醫院啲醫護人員好好,如果唔係可能死咗喇。」向來以為自己「鐵打」的他終於知錯,自言開始戒捱夜,濕身就換衫,又承認身體差了,「都出咗院一個月,係中氣不足,以前講兩三個鐘頭書都冇問題,𠵱家唔得」。他將於明年退下教書工作,「教書都辛苦㗎,我80幾㗎喇,都要退啦」。
大病給他的另一個啟示,就是要繼續說真話,「我咁嘅年紀,執返條命,冇乜得失㗎喇,所以照良心講嘢囉,唔講嘢地下(教會)會好失望」。
■記者張嘉雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載