› 選擇地區
三藩市
紐約
洛杉磯
其他美國地區
香港 台灣 北美
 
2016年08月08日

西環集中營︰
梁營無懼雙曾配 - 季陶

曾俊華(左)及曾鈺成

特首梁振英近日再接受傳媒訪問,他在訪問中表明,若角逐連任就不怕競爭,明顯對自己充滿信心。有政界中人稱,雖然政圈盛傳財政司司長曾俊華、立法會主席曾鈺成組雙曾配挑戰梁,更流傳曾鈺成弟弟、民政事務局前局長曾德成也可能「出山」助拳,但他聽聞梁振英「冇有怕」,更傳待立會選舉結束,梁的助選工程會「浮面」。
該政界人士稱,他近日與梁營中人接觸,他們對曾俊華、曾鈺成甚至林鄭月娥出選特首不以為然,直言梁近日「仍然相信自己好大機會連任」,忠心梁粉更認為曾俊華及林鄭等最終「可能連參選都未必會」。

恃有張德江支持

該政界中人稱,梁營如此有信心,因為相信負責港澳事務的人大委員長張德江支持梁連任,「佢哋話張德江到今日仲係好支持、認同CY工作,張德江係負責港澳事務領導人,有佢支持好重要」。
那些梁營更認為,梁任內不論政治還是民生政策均緊跟中央,處理房屋問題也初見成效,「班梁粉直情覺得,北京根本唔可能唔畀CY連任,因為佢完全執行中央畀佢嘅指示」,更有傳待9月立法會選舉結束,梁的助選工程就會「浮面」,「班梁粉話到時就知CY先係真命天子喎!」
反梁連任的人則說,或許張德江挺梁,但早前見過一些內地人士,對方直言對梁連任有保留,故此「(梁)點自吹自擂係冇用,除咗盛傳港澳辦主任王光亞唔滿意佢,好多內地負責港澳事務官員對佢都好有意見」。
該名反梁人士又說過去一段時間,社會各界均反映了對梁的不滿,「梁營嘅人唔使咁快高興住,中央今日仲支持佢,唔代表之後一直唔會變」。

季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載