› 選擇地區
三藩市
紐約
洛杉磯
其他美國地區
香港 台灣 北美
 
2016年08月05日

【網民hot talk】滯留國泰旅客抱怨 質問「員工條命就值錢」捱轟

本港日前受颱風妮妲影響,有百多班來往香港的航班被取消,Now在颱風日訪問一位滯留機場的國泰長途機旅客,該男子怒斥國泰安排不當,更直指「係咪8號、9號風球,國泰啲員工果條人命就值錢,就掉低晒我哋啲客人喺度唔駛理,我就係想佢國泰航空公司畀一個合理嘅解釋我地。」言論惹來網民嘩然,有人直斥「的而且確,所有其他人包括國泰員工的命比你珍貴」。有人留言表示,即使按照規定,在天氣問題下航空公司可不作任何賠償。

據報道,該批長途機旅客原本飛往美國或澳洲,早於當日傍晚已到機場,有職員指示等候辦理登機手續,惟等待多個小時後,直至晚上仍未能辦理手續,職員於在午夜前下班離開,令旅客感到不滿,要求國泰交代及解釋。

「地勤Secrets」」facebook專頁上載該名乘客訪問截圖,批評該有關言論,「唔通你張機票貴到能夠買起晒d(啲)機組人員同地勤?解釋?你想點解釋?不如你去自己揸?」直斥「點解呢個世界永遠都有呢d(啲)X人存在」,不少網民均表認同,留言指基於安全問題,「打風唔起飛」已是常識。

【網民咁講】
Ying-hieng Ha:的而且確,所有其他人包括國泰員工的命比你珍貴。
Lo Fung:強烈建議航空公司購入一批單人飛機,用作緊急天氣時,派比哩D傻客自己用
Ka Lun Lee:我睇新聞時,下一聲。解咩釋?打風唔起飛,呢0的唔需要解釋,因為係常識⋯⋯
Wing Wong:係咪要陪你一齊訓機場先合理呀?你去旅行 我打份工炸!先生
Berber C. WG:講得出呢d說話證明佢認為自己條命都吾值錢,可以用自己條命去冒險,佢點衡量自己條命既價值係佢既事⋯⋯其他人條命吾止值錢咁簡單⋯⋯吾該吾好迫人同佢一樣有呢種腦殘羅輯

相關新聞:天文台完勝5大氣象台 最早算準妮妲近距東襲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載