› 選擇地區
三藩市
紐約
洛杉磯
其他美國地區
香港 台灣 北美
 
2016年07月28日

隔牆有耳:
孫公點評選特首熱馬 - 李八方

孫明揚噚日喺免費報章《am730》以〈特首候選人名單初稿〉為題撰文。資料圖片

提起前教育局局長孫明揚,好多人即時諗起跑馬,但未必估得到孫公其實連特首跑馬仔都好有心得,佢噚日就喺免費報章《am730》以〈特首候選人名單初稿〉為題撰文,點評多位坊間認為嘅特首大熱人選,佢話當中咁多馬仔中,特首梁振英、新民黨主席葉劉淑儀同前財政司司長梁錦松最想出到閘喎。
喺官場打滾40幾年嘅孫公話呀,曾經同政務司司長林鄭月娥同財政司司長曾俊華共事,覺得林鄭「當政務司長是一流」,但唔相信佢有志做特首;而曾俊華就好有才華,但唔清楚佢係咪真係有意選特首,「但我知道有不少人希望捧他出來,跟『ABC』對着幹」。
孫公不諱言,最想選下屆特首嘅人一定係梁振英,寸爆話呀:「由他當年說出『N屆都唔選』,就已經知道他的志向」,同時話出選立法會港島嘅葉劉同近期成日曝光嘅阿松都「非常渴望當選特首」,但相信葉劉要選立法會,如果𠵱家有乜閃失就尷尬,所以至今都有顧忌;阿松則積極曝光,必有所圖。
至於大家好like嘅立法會主席曾鈺成呢?孫公形容對方態度曖昧,覺得佢「似乎在等待欽點」。唔知資深馬迷孫公呢番貼士會唔會中呢?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載