› 選擇地區
三藩市
紐約
洛杉磯
其他美國地區
香港 台灣 北美
 
2016年07月28日

政壹花生友:
侯志強牽繫新界人政治動向 - 花生友

侯志強。資料圖片

新人自然係吸引啲,所以呢屆立法會選戰,最受關注嘅可算一批新面孔,其中組黨不成但都高舉新界人旗幟出征嘅上水鄉事委員會主席侯志強,造勢同報名都聲勢浩大,花生友聽聞,唔少人估佢最後龜縮,點知佢都大無畏,勇氣可嘉,皆因呢次結果是龍是蟲,牽繫新界人他日嘅政治動向。
回一回帶講番一件事先。仲記得鄉議局主席劉業強上場後整咗份鄉事民情報告,提及鄉事喺過去選舉幫建制派抬轎,卻無任何回報,無喺議會為鄉事發聲嗎?係人都知矛頭指向民建聯,擺明將雙方嘅口和心不和嘅情況浮面。

相關新聞:政見不應影響參選權

測試鄉事選舉影響力

之後侯志強等人又話組黨,據知西環對此都唔多like,結果當然組黨不成,但咪以為事件就此完結,因為侯志強願意做「勇夫」,令唔少人跌眼鏡!
有建制派話,侯志強參選都係好事,皆因鄉事成日話幫建制派攞到幾多萬票,連佢哋自己都好質疑,最好當然係由佢自己親自試票,若然都係只得一萬幾千票,以後鄉事派就咪再將佢哋嘅選舉影響力「發水」咯!
睇番新界東,鄉事派有幾個山頭,包括反對鄉事派組黨嘅沙田鄉事委員會主席莫錦貴,以及身兼新界社團聯會榮譽會長、同時係民建聯嘅大埔鄉事委員會主席張學明;前者力撐新民黨嘅容海恩、後者則幫番身兼新界社團聯會兼民建聯嘅參選團隊,換言之,侯志強至少攞唔到呢啲飛,至於如何發力,就要靠侯志強自己。
花生友最想睇,有冇建制派團隊,因為侯志強入閘扯飛,意外甩轆呢?

花生友
周二、四刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載