› 選擇地區
三藩市
紐約
洛杉磯
其他美國地區
香港 台灣 北美
 
2016年07月27日

隔牆有耳:少林青政唱好《基本法》 - 李八方

黃俊傑同梁頌恆化身大師兄同阿星,高唱「基本大法勁」。互聯網

今屆立法會選舉,選管會忽然僭建確認書,要求參選人簽署表明擁護香港係中國不可分離一部份等《基本法》條文,無論簽唔簽確認書,都有可能收到選舉主任查問係咪繼續主張同推動港獨,政治審查、白色恐怖浪接浪,本土派參選人為咗保證入到閘,紛紛戴頭盔表明「吾擁護《基本法》」。
好似青年新政新西參選人黃俊傑就夥拍青政召集人梁頌恆拍片,改編電影《少林足球》中周星馳同黃一飛合唱嘅一幕,高唱「基本大法勁,係好勁」,表明「齊齊擁X基本大法」,片尾仲特別提及「選管再打壓 擁X基本法」,仲向選管會主席馮驊、新東選舉主任何麗嫦「致敬」。
梁頌恆喺青政facebook專頁話,「為咗擁X基本大法,我人生嘅底線首次低過條底褲」,佢仲話如果因為呢一身造型而冇咗女粉絲,佢一定搵馮驊算賬。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載