› 選擇地區
三藩市
紐約
洛杉磯
其他美國地區
香港 台灣 北美
 
2016年07月17日

目睹慘劇 驚呼兼失眠

【本報訊】西環觀龍樓恐怖大火,起火單位的男戶主攀窗逃生墮樓一幕驚心動魄,《蘋果》從街坊取得一條事發大火的片段,拍攝到26歲姓黃男戶主墮樓一幕,場面震撼。居住在觀龍樓A座的陳先生,昨凌晨1時許正在家中打機,其間聽到窗外傳出喧嘩聲,於是走出騎樓查看,赫見對面單位有火警,於是用手機拍攝。

相關新聞:疑兇患抑鬱 曾傷人判囚 遇害一家僅團聚5日

「一跌落去好多人尖叫」

陳先生指初時火勢不算太大,其後一發不可收拾,其間聽到有居民不停大叫:「有人喺入面呀!」「有人呀快啲報警呀!」片中顯示有物體從起火單位墮下,還清晰聽到街坊驚呼聲。「初時我都唔為意有嘢跌落嚟,唔知係個人嚟嘅,淨係見到好似有啲衫褲咁嘅嘢,之後直到落地嗰刻好大聲,我先至覺得嗰個係個人……正常普通嘢跌落街都冇咁大聲」。
另外,街坊陳小姐住在觀龍樓另一座,她亦目睹男戶主逃生失敗經過。她稱,見到起火屋內有一個人,原本以為男戶主自行救火,不久即見他攀出窗外,估計他無法由前門逃生而被迫爬窗逃走,「諗住向左爬去樓梯嗰邊,點知捉唔實,跣手就跌咗落去。佢一跌落去好多人尖叫,我諗目睹嗰啲都幾慘,因為咁高跌落去都幾恐怖!」當時陳小姐的心砰砰亂跳,不敢再細看,攬住父母不放,一家人最終徹夜難眠,腦中總想起男戶主墮樓一幕。
■記者胡恩宏

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載