› 選擇地區
三藩市
紐約
洛杉磯
其他美國地區
香港 台灣 北美
 
2016年07月05日

【藍眼睛BB】
勇敢踏出人生路

「姑娘一抱埋嚟,我就見到阿囝係兩隻眼藍色,睇唔到瞳孔,好似戴咗隱形眼鏡……好難受!」Joey和丈夫前年10月迎接家中第二個小生命,不料,兒子患有先天性青光眼,確診一刻如晴天霹靂,夫婦面面相覷,不懂如何面對。才一歲人仔卻已接受16次手術,猶幸現在能看到些微影像,如眼壓回復正常水平,冀能換眼角膜重燃希望。
記者:張珮琪 攝影:張鼎和、周子惇、麥超億

20個月大的Gabriel,出世時眼壓有50毫米水銀柱(mmHg),比正常10至21的水平高很多,因為其眼內前房角組織無法排水,眼壓高會破壞視神經,嚴重會失明;出世僅兩周,就要面對第一次大手術。

「佢第一次做手術引流排水,做咗5個鐘,但做完之後醫生出嚟同我講:『好差,你當佢兩隻眼(視力)係零!』」Joey坦言,經驗豐富的主診醫生亦未曾為初生嬰兒做手術,難度猶如摸着石頭過河。惟一次又一次的手術,都未能有效排水,醫生只好改用激光手術,但會破壞眼睛製水細胞,極具創傷性。

Gabriel每次做手術,全家人也承受巨大壓力,「做激光手術,好強嘅能量打落去,每一次做完手術返到屋企夜晚都會尖叫,幾晚瞓唔到,我哋成家都冇休息。」Joey哭着說多次想過放棄:「唔想佢辛苦……但如果我哋乜都唔同佢做,將來佢會問我哋點解唔幫佢!」

出生後兒子一直活在黑暗和模糊中,令他缺乏安全感,8個月大仍「唔識郁唔識爬」。直至今年3月,近歲半的Gabriel終於識行,「即係佢視神經未死,佢見到遠嘢唔會撞埋去!」Joey稱兒子眼壓近日已回落一半,雖然仍屬偏高,但對家人及醫生來說已是一大鼓舞。

不過,激光手術會令眼睛有機會萎縮,「隻眼畀人嘅感覺扁咗,或者根本上唔似一隻眼嘅形狀,嗰個係好差嘅後果,亦都預計會咁樣發生!」Joey強忍淚水說,兒子至今仍未懂說話,小肌肉亦有待訓練,但會見步行步,「Gabriel喺《聖經》裏面係向聖母報喜嘅一個天使,佢安排嚟我哋屋企一定有原因,點解會搵一個做眼科護士嘅媽媽?點解會揀一個信天主嘅爸爸?我覺得係用生命影響生命。」

8月Gabriel將再接受眼壓檢查,如果眼壓控制在正常水平,有望輪候做角膜移植手術,但亦有機會排斥,前路難關重重,兩夫婦已作最壞打算:「Gabriel可以咁樣睇到少少嘢、周圍行同埋咁活潑,我已經好開心。講真,自己蒙住隻眼都唔敢行前一步,佢真係好勇敢!」

相關新聞:【藍眼睛BB】大眼仔可能係青光眼

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載