› 選擇地區
三藩市
紐約
洛杉磯
其他美國地區
香港 台灣 北美
 
2016年07月05日

面試對答要精準 
家長保持平常心

升中派位今日放榜,家長可即日到心儀中學叩門。資料圖片

【叩門貼士】
升中派位今日放榜,家長可即日到心儀中學叩門,爭取少量剩餘學位。有升學專家提醒,家長叩門前應注意學校叩門限制;有中學校長指學童人口下降不代表叩門容易成功,提醒學生面試要對答精準,家長亦應保持平常心,切忌增添學生壓力。
教育局提醒家長,小六生今日須回就讀小學領取升中派位證及入學註冊證。不滿意派位結果的家長可於7月7日及8日的升中註冊日期前帶子女到心儀學校叩門;不少學校會安排即場筆試及面試。

相關新聞:升中今放榜 92%學生派首三志願 滿意率19年新高 料16區學額過剩

循道中學校長黃珮儀表示,將把「留級位」預留給叩門學生,「大概都會有6個留級位,但最後實際係咪收晒就要視乎申請學生情況,要睇佢哋係咪合適」。黃指升中學童人口雖下降,不代表叩門「易咗」,「因為每年大概都有70至80位家長嚟叩門,叩門位本身少,所以唔覺易」。
黃稱學校今日將安排筆試,成績達標學生明天可面試。黃提醒學生回答問題時須長短適中,「如果問一句答一句,可能會覺得表達能力唔好;答得太多又好容易變成唔知自己想講乜,所以最好係聽清楚問題,再諗點樣答得精警」。黃又呼籲家長保持平常心,「有時家長為派位成績唔開心、喊,學生見到就會以為自己間學校好差,都係一種傷害」。

「唔好埋怨同鬧佢哋」

升學專家趙榮德則叮囑家長注意叩門學校情況,「好似東區唔接受同區叩門,家長都可以留意吓英文、中文班分佈,唔一定中中就係差,英中就係好」。趙又指學生應保持輕鬆心情,「家長可以同佢去食一個豐盛嘅早餐,亦都唔好埋怨或鬧佢哋,等佢可以用最好嘅狀態面對筆試同面試」。
■記者葉偉東

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載