蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月04日
馬上成為壹會員

王維基:換特首睇呢鋪

【本報訊】打着反梁旗號的港視主席王維基料今天宣佈參選立法會港島區直選。他受訪時指青年對前景「冇希望」,因為政府與富商揞着良心講大話,此亦是推動他參選原因。他深信若要撤換特首,此次選舉是關鍵,並指最終若有40至50名反梁人士當選,10月新一屆議會復會時應提出彈劾梁振英議案,「有冇憲法能力係後話;一旦表決過到,你梁振英唔落台都冇面喇!」
相隔13年再於7.1上街的王維基,於7.1遊行前接受訪問,大談年輕人的怨氣。他稱表態考慮參選後接觸不少年輕人,發現年輕人對前景失去希望,並非上流或創業機會少等問題,而是覺得社會失去公平競賽,彷彿只要懂得擦鞋、有裙帶關係就能向上流。

相關新聞:鍾樹根排第二 張國鈞:最強名單

高官講大話令青年失望

造成年輕人有此想法,王維基將矛頭直指特首梁振英:「好簡單之嘛,行李門事件,大家都知你(梁振英)錯喇」,「連特首都成日講大話嘅、啲高官又講大話嘅、啲富商又講大話嘅、連唔關事嘅機管局都要行出嚟被迫講大話嘅」,認為連串事件累積下來,難免令年輕一代對前景失望。
而在年輕人不滿日增之時,建制派卻愛將年輕人形容為「廢青」,54歲的王維基直指:「上一代人好鍾意用咗佢自己叻嗰啲嘢去評論人家,覺得人家唔係好叻佢自己叻嗰啲嘢」,他強調,現時年輕人接觸、探索到的事物多,斷不可能是「廢青」,同時指同齡人的競爭雖比上一代大,但這一代人有的機會亦比過去多。
他對教育制度亦有意見,對中史、世史非必修科感到費解,指中史科至少可增加年輕人對中國人身份認同感,「我係唔係中國人,唔係你講畀我聽係咪,我要自己感覺㗎嘛!」
王維基強調,今次擬戰立法會原因,是想透過晉身議會,「邊個講得最多大話?換咗佢囉!」他深信若要撤換特首、改變現狀,9月的立會選舉是關鍵,覺得若有40、50名反梁人士當選,10月新一屆立法會復會後應立即提出彈劾梁振英議案,「有冇憲法能力係後話,一旦表決過到,你梁振英唔落台都冇面喇」;「中央政府亦都會睇得好清楚,以後(下屆)佢再連任?跛腳喇喎、癱瘓喇喎個政府。」
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載