蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月04日
馬上成為壹會員

「絕筆」序言 笑稱江湖賣藝

【本報訊】自稱用盡寫作配額,「衛斯理」倪匡封筆多年,今年書展罕有再度執筆,為兩本絕版舊作重新出版親手寫序,更不諱言直認是「絕筆」,「手都震晒,控制唔到支筆」。但講到記性,年屆81歲的他十分精靈,新書加入全新訪談內容,「主編一次問我30條問題,我話問得詳細啲唔緊要,我寫過嘅嘢都記得」。

相關新聞:「食肉要食肥 食雞要食皮」

「手都震晒 控制唔到支筆」

兩書用同一序言,題為江湖賣藝,倪匡認為重新出版舊作,好比表演完畢開始問觀眾索酬的賣藝郎,他風趣地說:「落得個兩手空空,並無所得,境況淒涼,當然也反映了本事不濟,未能打動人心。」他文末又提到執筆寫下短短幾百字已覺「大腦和手指間聯絡遲滯」,直認是「一生最後一篇筆寫文稿」,更以「絕筆」作形容。
倪匡自序手稿字迹一如傳聞中般「龍飛鳳舞」極難辨認。他說已極少提筆寫字,「手都震晒,控制唔到支筆,冇以前咁流利」,加上現時已學會用電腦打字。他稱苦學多時都學不會倉頡輸入法,「最後搵到隻叫九方,同太太一齊學,兩個鐘就可以用,但缺點係慢」。
倪匡指新書主編施仁毅一口氣問他30條與自己過去寫作相關的問題,有問題提到自己曾寫到有3次面臨死亡的經歷,他即反駁「得2次」。他又笑言:「網上仲流傳我騎隻馬落嚟香港,好離譜,如果有隻馬我都食咗啦。」
■記者佘錦洪

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載