蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月29日

商界勸CY「改吓個樣形象」

從事珠寶業的沈運龍指梁振英算是「肯做嘢」,但有些做法令中小企很尷尬。

【本報訊】特首梁振英治港4年,商界微言越來越多,但自由黨田北俊及香港各界商會聯席會議秘書長沈運龍均認為,並非所有問題都可以歸咎梁振英。沈運龍更建議梁振英如果有心改變情況,不妨「改吓自己個形象」,更笑言梁振英需要「改吓個樣都唔定」。

相關新聞:ABC田北俊:發展經濟唔合格

促為中小企鬆綁

相比前任特首曾蔭權,沈運龍指梁振英算是「肯做嘢」,舉例指梁振英關心民生問題,本身並無可厚非,但在一些問題上令中小企很尷尬,以公務員加薪為例,指出「中小企仲嗌緊救命,裁員、減薪,唔減薪都cut咁啲人,一個人做兩個人嘅嘢,嗰邊(政府)就大幅度加人工,好尷尬喎」。
既然梁振英關注民生,何以又遭人唾棄?沈笑言:「可能個樣衰,就樣樣都唔啱。」他又以新民黨葉劉淑儀為例,指過去葉劉亦很「乞人憎」,但如今獲不少人支持,所以稱梁振英如果有意挽回民心,可以「改吓自己個形象,改吓個樣都唔定」,繼而改善政治環境。
反對梁振英連任的田北俊亦指,不能將所有問題推至梁振英頭上。他指香港地方小,又不是實行計劃經濟,當局難以如內地或外國政府般,透過提供免費土地、補貼工資來刻意推動個別產業。
田北俊認為,當局最好做好政府本份,維持小政府、大市場;而對於中小企而言,「梗係拆牆鬆綁,越少掣肘對佢哋越有利」。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載