› 選擇地區
三藩市
紐約
洛杉磯
其他美國地區
香港 台灣 北美
 
2016年06月27日

深水埗見光墟復活
基層自食其力 市民力撐

【本報訊】深水埗見光墟再次開幕,早前深水埗區議會通過新一期見光墟計劃,並獲食環署發出臨時公眾娛樂牌照,於九江街海壇街交界閒置空地重新開墟,昨日正式開幕,共設33個檔戶,吸引不少人到場支持。攞正牌,不用走鬼,基層攤販終於重見光明。
記者:紀靜雯

雜貨攤檔檔主陳太,是深水埗基層街坊,「我參加過幾次,將屋企有嘅嘢拎出嚟賣,係個好機會畀我哋搵食」。她的攤檔更以「自由定價」吸客,所有貨品均由客人決定價錢。
另一開設環保手作攤檔的陳太,準備了約100個以二手物料改製的環保手袋售賣,售價由4元至80多元不等,「想將自己嘅興趣同人分享,總知佢哋鍾意就得」。她又指,墟市既可推廣環保,亦令基層市民自食其力,「其實政府應該定期搞多啲墟市,好似澳洲咁,甚至可成為旅遊景點」。
墟市吸引了不少人前來,學生鍾小姐是首次逛見光墟,她稱之前曾參與低收入人士的義工服務,想更了解他們的生活,特意與朋友到來,「(攤檔)好多元化,而且唔使畀租金,可以幫佢哋(低收入人士)搵到微薄收入」。她表示,場內隨時執到寶,她就以40元獲得一個流動電話充電器,「平過出面好多,忍唔住手買咗」。
從事教育界的黃先生,雖不是街坊,但仍特意到來參觀,他亦身體力行支持一眾街坊,「買咗淋浴露,平過出面一半,都諗住買一套便利貼」。

團體盼定期舉行

深水埗見光墟關注組及關注綜援低收入聯盟今年成功獲政府支持,成功重辦見光墟,並於昨午舉行開幕禮。關綜盟組織幹事中李國權表示,深水埗見光墟作為本港的里程碑,見證一個合法、由下而上,與民共議的墟市。他表示,將繼續於深水埗區議會積極推動長遠墟市計劃,希望可以在康文署球場及閒置校舍等空間,定期舉行墟市,令基層市民名正言順地「見光」擺攤。

參加者心聲

徐小朋友

「𠵱度好多嘢都未曾見過,同超市、商場好唔同,熱少少,買咗本漫畫書同環保袋,好開心,希望下次再嚟。」

鍾小姐

「第一次嚟,想了解更多低收入人士嘅生活,發覺𠵱度好多元化,可以畀到多啲機會佢哋,唔使畀租金又搵到微薄收入。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載