› 選擇地區
三藩市
紐約
洛杉磯
其他美國地區
香港 台灣 北美
 
2016年06月23日

抽慘劇水宣傳被圍插
東瀛遊拍片鞠躬沙冧

九龍灣時昌迷你倉四級大火,救火英雄高級消防隊長張耀升不幸殉職,令人難過。不少品牌的fb專頁亦對此表達悼念,惟主打日本和東南亞的旅行社東瀛遊,在專頁轉發該則新聞時雖有「向公職人員致敬」,呼籲「珍惜眼前人」,但同時在帖文內宣傳公司的「同行優惠」,被網民狂插,事後專頁已刪除相關優惠資訊。

出事帖文內文標題為「向公職人員致敬」,對失去一位英勇的消防人員感到非常難過,「希望可以快啲救熄,唔好再有傷亡」,但藉「要好好珍惜眼前人,有時間就陪多啲佢地」,表示「同佢地去個旅行吧」,然後介紹旅行社的同行優惠,及附上旅行產品連結。翻查旅行社網頁,該優惠於5月左右已推出。

有網民直斥東瀛遊涼薄,要求其道歉,「抽水抽著火水」,釀成「關公大災難」。有人質疑「致敬同旅行優惠係咪可以分開兩個post啊」,亦有人指,「咁樣慘劇當宣傳?連基本既(嘅)人性同理心都無」,表明以後不會光顧。

東瀛遊昨傍晚於fb發聲明道歉,稱對有關帖文深感抱歉,誠懇地為此事道歉,強調作為一間負責任的公司,對於此事責無旁貸,再一次向所有受影響人仕致萬二分歉意。

【網民咁講】
Francisco Cheong:#關公大災難
Marco BaBa:你以為人地唔識睇編輯記錄?
Yiu Cheong Chow:致敬同旅行優惠係咪可以分開兩個post啊!!?
Dicky Lee:你東瀛遊唔係生意淡到要抽死人水做生意咁仆街呀?
Yau Sze Lai:一定唔會幫襯
Kaley Tang:以後blacklist egl, 基本尊重都唔識。
Wong Hon Lok:咁樣慘劇當宣傳?! 連基本既人性同理心都無......以後唔鬼幫襯!!!
Sing Kong:有心道歉就捐d錢比人啦

相關新聞:全城哀悼 張Sir是我們英雄 同袍募捐助遺屬

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載