蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月22日

甘小文原稿珍藏恐化灰燼 
「點賠錢都冇用,咁有價值」

【本報訊】發生四級大火的淘大工業村時昌迷你倉,佔用整幢工廈1至7樓,有逾千個大小儲物倉,單是起火3樓就有超過200個小型儲物倉;這場大火幾乎將所有儲物倉付諸一炬,而陪葬的是所有儲物倉租客珍藏。其中本港漫畫家甘小文,儲藏大量原稿、舊漫畫及黑膠碟等藏品於該迷你倉內,望着火警遲遲未救熄,由三級火升至四級,他打定輸數有關珍藏已化作灰燼,「冇得鬧,跟住都唔知點做,點賠錢都冇用,啲嘢咁有價值」。
記者:劉柏麟

相關新聞:死者為煙火特遣隊教官

甘小文租倉儲物多年,放置有其原稿、舊漫畫及黑膠碟等珍藏,包括80年代當紅歌手張國榮、譚詠麟、梅艷芳等黑膠碟,以及第一版的《中華英雄》及《玉郎漫畫》薄裝漫畫本。
他表示,有關珍藏只是放於紙箱內,「就算冇燒到,但被救火嘅水淋到,啲書同原稿都係紙,恐怕唔知有冇事」,並指「每一樣記憶都想keep住」,當中包括其創作的2D漫畫《至Goal無敵》第一期原稿最具價值。「冇辦法,擺親落去嘅,都係無價寶,有啲人都有擺舊相,如果燒咗真係冇晒」,他稱現不敢估計有關珍藏物品的價值,「估咗仲會瞓唔着!」

租戶嘆20箱唱片凶多吉少

甘小文續稱,他們完全未想過迷你倉會發生火警,「冇得鬧,跟住都唔知點做,點賠錢都冇用,啲嘢咁有價值」。雖然其珍藏恐已成灰燼,但當得知有消防受傷,反而覺得人命最緊要:「(珍藏)燒晒冇所謂,最緊要消防冇事!」
租客梁太表示,由子女租下50方呎細倉放置衫褲鞋襪、家具及行李箱等雜物,慶幸這些東西價值不高,損失有限。而所租的細倉位於5樓,倉內僅有一條走廊,兩邊全是貨倉。梁太稱,在租借時昌迷你倉時,租約有條文規定倉內不可擺放易燃物品,然而迷你倉職員甚少嚴格執行監管,租戶肆無忌憚,任何物品均儲放在倉內。
唐先生兩年前租倉,月租1,200多元,收藏珍藏多年的鐳射唱片近20箱,估計共幾千隻。他稱是八、九十年代的廣東歌唱碟,「幾千隻CD生死未卜!仲有許冠傑全套、Alan(譚詠麟)、Leslie(張國榮)、Anita(梅艷芳)、四大天王都差唔多齊晒!」唐先生擔心,即使CD沒有燒毀,也會被水弄濕,損失慘重。得知迷你倉起火,他憂心忡忡下趕赴現場,眼見火勢越燒越猛,心中暗嘆凶多吉少。

相關新聞:傳開鼓風機加劇火勢

創辦人:租約不包火險

同樣趕到現場打聽珍藏情況的黃先生,仰望工廈黑煙滾滾,不禁愁眉苦臉。他稱租用時昌迷你倉7年,主要擺放鞋、書及雜物為主,其倉庫位置在涉事建築物的2樓,雖然非在起火位置,然而消防為撲滅火勢,開水喉灌救,擔心寄放在2樓迷你倉的物品受波及,「咁淋法乜都濕晒啦」。他不清楚時昌是否有替租戶購買保險,擔心賠償問題。
迷你倉創辦人時景恒昨表示,迷你倉的租約不包括火險,但會考慮賠償給租戶,現時正徵詢法律意見。
此外,消費者委員會建議租用迷你倉的消費者,應在借用前查詢商戶有否為顧客購買財物及水火險,亦要清楚保障範圍,因個別保單條款可能列明只保障樓宇結構或投保人的財物,對租客寄存物品的損失不作賠償。即使營辦商有購買水火險,但其賠償額未必足夠賠償單位內所有儲存財物。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載