› 選擇地區
三藩市
紐約
洛杉磯
其他美國地區
香港 台灣 北美
 
2016年06月18日

石屎藏屍工廈  代理暗示可住人 
懶理當局執法 教租客自保

【本報訊】早前荃灣工廈DAN6發生石棺藏屍案,被揭發違例改劃為住宅用途,屋宇署及地政總署本月加緊巡查DAN6,而兩署上月共發出3張命令及1封警告信要求違契單位還原。《蘋果》記者近日再以租客身份睇樓,地產代理不敢再表明工廈可作住宅租住,但表明DAN6單位間隔及設備完善,不少租客是作為居住。律師指工廈改作住宅難入罪,即使被發現「偷雞」,業主還原單位即可,政府難以規管違規工廈。
記者:梁佩珊

相關新聞:再有6單位涉違契須還原

荃灣灰窰角街工廈DAN6於3月底捲入石棺藏屍案,《蘋果》記者上月佯裝客人,表示想租住工廈,地產代理仍會帶記者參觀租住單位。今月《蘋果》再次放蛇,荃灣不少地產公司仍以DAN6的租盤作招徠,但當記者問及可否租作畫室及自住,地產代理即指「工廈唔可以住」,業主亦指「唔想畀人租嚟住」。不過,代理帶記者睇樓期間,多次暗指DAN6的單位設備並非只做「生意」,不少DAN6的租客「租嚟住」,只是代理現時不會直接叫客人租以居住。

單位有熱水爐浴室

代理先帶記者到石棺藏屍案的同層單位,月租9,500元的單位建築面積493方呎,單位設有獨立廁所、熱水爐、淋浴設備、煮食設備及分體式冷氣機。在場的業主多次強調單位不作居住用途,煮食設備亦只作茶水間用途。記者問到通宵工作可否留宿,代理指DAN6最近成為政府部門目標,放置床鋪用品在單位有可能被「掃場」。但同時向記者表示「佢(此單位)已經畀屋宇署檢查完,應該唔會再查」,又向記者教路,若政府部門再突擊,可以不讓檢查人員入屋。
代理其後帶記者到低層單位睇樓時,主動教記者設置洗衣機和淋浴位置,記者提及「唔怪得有人喺度住」,因單位設備完善;代理直認單位並非純工業用途,「咁大個熱水爐喺度,其實暗示畀人哋,其實係官商勾結……做咩生意要熱水爐呢,畀人覺得係(住)囉」。
記者問及現時有否設閣樓的單位可租,代理指DAN6現時被屋宇署多次巡查,各單位的僭建閣樓陸續拆卸,但代理同時表示「拆咗先,等佢風頭火勢再整過係另一回事,但𠵱家唔搞呢啲嘢」。記者追問租DAN6的客人「多唔多係住」,代理直認多人租住工廈,「我哋租嗰陣都唔會話你聽喺度住」,亦表示「(租完之後)我唔知你做咩咁嘛」。

相關新聞:荃灣工廈一劏十招客

律師:改住宅難入罪

大律師陸偉雄指,只要業主於租契列明工廈單位不作居住用途,地產代理不直接表明「你可以租住工廈」,任何暗示都不會違法,「因為暗示係租客主觀上嘅理解,可以係你理解錯誤」,他認為現時地產代理「走聰明圈子」,「以前係鼓勵,𠵱家係暗示」。陸偉雄又指,無論租客在單位做任何事都難以管制,「法律上通宵工作,攰到瞓覺不是犯法」,他指工廈改住宅難入罪,「不是法律問題,而係政策同執法問題,每年查定每日查呢,好難規管」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載