蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月16日

隔牆有耳:
《蘋果》奪5項卓越新聞獎 - 李八方

港台兩地《蘋果日報》合共摘下亞洲出版業協會5個獎項,來年定必繼續努力。易仰民攝

亞洲出版業協會(SOPA)卓越新聞獎頒獎禮係每年業界盛事,八方同事舊年眾志成城,喺噚日攞到三個大獎同一個優異獎,其中攝影組憑住「反水貨」奪得卓越特寫攝影獎大獎,靜態組揭露學界造假學歷風暴嘅「國力書院醜聞」、同埋「2015區議會選舉種票系列」分別攞到卓越獨家新聞獎大獎同埋卓越調查報道新聞獎大獎,動新聞組就以探討殘疾人士情慾需要嘅「有愛無陷」系列,攞到卓越人權報道獎優異獎。至於八方嘅台灣《蘋果日報》同事,就憑「八仙樂園粉塵爆炸—傷者搶救」嘅相片,奪得卓越新聞攝影獎優異獎,恭喜晒大家!
講返SOPA,今年都成為新聞,因為啱啱卸任台灣總統嘅馬英九原本係演講嘉賓,不過因為總統府驚佢會洩露台灣機密,唔批准佢嚟香港,大會噚晚改為播放佢嘅錄影片段,咁究竟小馬哥最終洩咗咩密呢?小馬哥話,嚟唔到香港好遺憾,笑稱𠵱家先知香港原來咁危險,佢重提自己係香港仔,話港、台關係密切,大家都咁重視新聞自由同埋民主法治,希望日後加強交流。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載