› 選擇地區
三藩市
紐約
洛杉磯
其他美國地區
香港 台灣 北美
 
2016年06月03日

老鼠反轉新都會
食客企上凳尖叫

【本報訊】 商場老鼠反轉新都會!昨傍晚6時許,讀者黎小姐偕3名朋友在葵芳新都會廣場的euro go go餐廳用膳,其間驚見一隻手掌大的老鼠在店內亂竄,「隻老鼠走咗去我哋枱下面,見到之後梗係驚得滯喇,嚇到我哋走咗出門口,連電話都冇拎走」,其他在場的食客亦嚇得不停尖叫,雞飛走狗,有女食客嚇得面青青,跳上枱躲避,並不停大叫「快啲走呀」。

黎小姐指,其後有4至5名商場保安走入餐廳,其中一人手持膠兜欲捉老鼠,而euro go go的職員則搬開枱凳,讓保安捉鼠,但老鼠狀似毫不怕人,不停走入座位區亂竄,餐廳內有一半食客嚇得衝出店外,最後老鼠不知所終。黎小姐續稱,由於商場正進行裝修,認為有老鼠在所難免,但覺得餐廳職員處理失當,「完全冇安排啲客人走,剩係掛住捉隻老鼠,冇諗過我哋食客感受」。

該餐廳職員向記者澄清,老鼠是由商場走入餐廳,而且在店內奔跑一圈後已經離開,不知所終。而對面甜品店甜牙牙的店員稱,該老鼠長約5吋,突然在商場走廊亂竄,先闖進該店,之後再走進euro go go,由於有食客未結帳便嚇至奔離店外,損失約數十元生意,估計近期一樓商場部分商舖進行裝修工程,有老鼠受嚇而現身人前。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載