› 選擇地區
三藩市
紐約
洛杉磯
其他美國地區
香港 台灣 北美
 
2016年05月18日

市民斥保安擾民:一個小官搞咁多嘢

【本報訊】全國人大委員長張德江昨起訪港3日,警方定性為反恐保安級別,於張下榻灣仔君悅酒店及會展一帶設置保安區,多處封路改道;不少在保安區核心內圍、外圍上班的巿民鬧爆擾民,直斥「區區一個小官,搞咁多嘢」、「係咪要理解下市民需要」。
張德江昨午12時抵港後離開機場,乘車往下榻灣仔君悅酒店後,曾多次出入酒店及造訪政總時,灣仔及金鐘附近街道,包括君悅酒店前一段港灣道、瑞安中心通道、演藝學院天橋、藝術中心通道、分域街、中環廣場天橋等,以至政總附近的添馬公園、龍和道等,隨着張的步伐不斷間歇性封閉。
中午12時38分,警方封閉瑞安中心通道及廣播指警方行動進行中,關上閘門及列隊擋住通道。約12時40分,警方又關閉演藝學院外天橋,行經路人只能乾等,數十名市民不滿大叫「好煩呀!」中環廣場菲林明道天橋出口一度封鎖,令會展十分擠擁。

相關新聞:【張德江訪港】Banner拆極都有 車隊撞正冇得走

到下3時多,張離開君悅前,警方再度將由灣仔政府大樓進入瑞安中心通道封近半小時鐘,數十名等候巿民顯得鼓譟;其中鄧小姐表示,3時半需到會展上保險課程,打算經瑞安中心到會展,怎料走到該處才知封路。她強調必須準時上課,若遲到15分鐘便會不計分,當她被問及是否知道因張德江到訪需封路,她怒斥「我唔理佢係邊個,係咪要理解下市民需要?」

「呢個政府大驚小怪」

在瑞安中心上班的呂先生亦不滿張德江害他無法返公司,「如果我因為遲到俾老細炒,我一定投訴佢(警察)。」他指保安區大得過份,「使唔使咁誇張,簡直浪費警力,呢個政府大驚小怪」,更質疑張到訪聲稱體察民情,「又話親民,根本就做出嚟,睇啲乜吖?寧願佢唔嚟」。梁先生指昨放工因封路有阻滯,「區區一個小官嚟啫,搞咁多嘢,我又唔覺得有乜咁巴閉。」陳太認為張德江來港打擾他們的生活,封路又改道,「公眾假期先好嚟,一係畀我哋放3日假」。
■記者蔡朗清、佘錦洪

相關新聞:眾志示威  遭警撲跌撕標語

市民心聲

鄧小姐:
「我3點半要上堂,遲15分鐘就唔計分。我唔理佢係邊個,係咪都要理解吓市民需要?」

梁先生:
「嗰啲人就真係麻煩啦,搞咁多嘢,區區一個小官嚟啫,我又唔覺得有乜咁巴閉。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載