早幾日有單新聞報道加拿大航空公司一架由香港飛往加拿大多倫多的客機，周五晚飛行途中，駕駛艙突然冒煙，須緊急降落東京成田機場，當時機上近300個乘客同機組人員，好彩有驚無險，事件中冇人受傷。
原來工黨李卓人都喺呢架機上，佢喺facebook留言話：「我喺機入面，就聞到一股燶味。係東京等咗個多鐘就飛去多倫多。現在平安在多倫多，準備講中港勞工權益。」其實阿人出席多倫多勞工大會，擺檔要求釋放被捕中國勞權分子，今次大會仲邀請到美國工會領袖同埋美國民主黨總統參選人桑德斯出席。
› 選擇地區
三藩市
紐約
洛杉磯
其他美國地區
