蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月03日

八方相當年:
天生鬈毛 劉國勳好煩惱 - 李八方

劉國勳(圓圖)自細鬈毛,好似電髮咁。

有冇發現細細個返學,班上總有啲同學好似電咗髮咁?但其實佢哋係自然鬈髮,卻因此喺生活惹嚟唔少不便。最近過咗黨內初選,9月料代表民建聯接葉國謙棒出戰區議會(一)界別嘅劉國勳,原來都係苦主,今年35歲嘅佢話想搞「天然鬈同學會」,聚集同路人訴苦水。

鏟短留長都俾人鬧

現為北區區議員嘅劉國勳喺粉嶺祥華邨蒲大,呢位屋邨仔又名鬈毛,「細細過聽到有人話:你就好啦,唔使電髮,都不知幾咁討厭!」到底有乜不便?鬈毛勳話讀幼稚園時,媽媽曾經俾老師「照肺」,質疑點解唔幫佢梳好頭先返學!
中學踏入青春期,後生仔通常唔鍾意鬈毛,佢一度鏟到頭髮好短,「點知有老師話係叛逆行為,以為我搞抗議喎!」大個咗終於可以隨心所欲剪短啲,至此卻開始明白鬈毛嘅好處:「因為鬈得嚟又濃密,到咗呢個年紀,唔少男士會羨慕。」屋邨仔係咪一定壞?鬈毛勳話唔係,佢都係群埋同層嘅同齡鄰居踢波之類;佢直認細個好多嘴,又鍾意整蠱同學,經常俾老師放喺課室「特別位」:「坐最前嗰個位,後面專登吉咗一行,唔畀人坐我後面,哈哈。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載