› 選擇地區
三藩市
紐約
洛杉磯
其他美國地區
香港 台灣 北美
 
2016年05月01日

「資源少但自由」  力撐警察影集

有關警察百態的攝影集惹火,鍾卓玲偏夠膽接這門生意。被訪者提供圖片

【本報訊】「阿Paul(楊德銘)係我一個好欣賞嘅本地攝影師,大家一早認識,一拍即合,可以合作係好開心同榮幸。結集以警察為主題,以幽默角度表達警察人性化一面,亦花咗好長時間拍攝,角度獨特,值得支持。」鍾卓玲說。

相關新聞:星期日專題:成立出版社 與網絡攝影師合作女拍友賣相集將like變飯食

攝影師申藝發局資助被拒

對於楊德銘而言,這位知音分外難得。他的警察系列作品《Yes Madam, Sorry Ah Sir》,花了7年時間完成,但未受官方支持,曾向藝發局申請資助卻被拒。
鍾卓玲說:「我知佢喺製作上遇到好多困難,我哋係中小型出版社,人少冇乜資源,但好處係自由。
「呢類題材,喺今日嘅香港係比較敏感,製作困難度肯定比較高,因為如印刷及釘裝,部份工序會喺大陸做。我哋之前有攝影集,亦試過其中一張相因為舉傘,被迫全本書改喺香港釘裝變陣。
「其實,我哋亦會考慮喺台灣印,嘗試唔同渠道,分散風險,但運輸成本較高。不過呢啲困難,其實都可以克服。𠵱家本書啱啱開始集資,希望多啲人真係可以實質支持。」鍾卓玲說。
■記者呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載