› 選擇地區
三藩市
紐約
洛杉磯
其他美國地區
香港 台灣 北美
 
2016年04月29日

逾百歌迷哭崩中環海濱

【本報訊】黎明昨日在演唱會現場拿着大聲公道歉,宣佈演唱會取消時,中環海濱現場聚集過百名歌迷有人大叫,不少歌迷當場痛哭。當中有來自馬來西亞、澳洲、日本和內地的歌迷,更是非常失望。
香港歌迷Winnie昨日當場灑淚,哭說很期待這個演唱會,由買飛一刻已等待昨晚的演唱會開始,「確實唔開心,因為已經等咗5年,我唔知點呀」。
有專程由東莞來港的fans大叫:「有冇搞錯!」而來自馬來西亞的男歌迷Alan,花了4,000元買了兩張門票,「機票、門票唔知點退都唔係問題,專登嚟睇冇得睇,非常失望」,認為是主辦單位疏忽。有來自澳洲的fans表示今天就要離港,對看不成演唱會感到非常失望。
早於25年前起成為黎明歌迷的日本人森井小姐,與30名日本友人為看黎明演唱會而首次來港,對於個唱臨時取消深感失望,她稱聽不懂場地廣播,不了解個唱取消原因,而部份朋友原定要看之後不同場次,如今對其他場次能否順利舉行感到很迷惘。
深圳居民胡小姐傍晚5時來到會場,原本打算看完演唱會後留港住一晚,如今演出告吹決定即晚返回深圳,「我覺得政府無理由臨開騷前兩個鐘先通知,黎明好無辜」。她自言搶買門票過程艱巨,要與人換飛才買到。

相關新聞:消防處指主辦方早知布料不合格

律師:若退票不能額外索償

另外,對於有不少歌迷專程從海外飛來香港欣賞黎明演唱會,可否追索門票以外的賠償?律師梁永鏗指,主辦單位已退回門票費用,事主不能因本身不可預計或預知因素,而額外索償,「舉例講唔會可以話事主租咗一部勞斯萊斯嚟睇演唱會,因為取消了演唱會,向主辦單位民事索償有關租車賠償」。
■記者盧坤穎、張俊銘、黃君怡、蔡朗清

藝人心聲

相關新聞:演唱會滿足觀眾味覺觸覺

謝婷婷:
我仲諗住同爹哋(謝賢)去睇……回想過往四大天王嘅年代,我都有follow。

丁子高:
我同屋企人就買咗1,980蚊嘅飛……希望2號我哋睇嗰場可以開得成,因為真係好想睇!

馬天佑:
自己預咗30號去睇騷,唔擔心,點都會解決到,黎生係一個反應好快嘅人。

林日曦:
今晚Leon演唱會取消了,而我已身在中環……嗚……我好日都唔出城睇一次演唱會,估唔到……

歌迷心情

馬來西亞 Alan:
「專登嚟睇冇得睇,非常失望!」

廣 西 蘇小姐:
「不滿演唱會要取消,直情想爆血管!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載