› 選擇地區
三藩市
紐約
洛杉磯
其他美國地區
香港 台灣 北美
 
2016年04月29日

隔牆有耳:
沙田區議會建制玩流會 - 李八方

李永成

沙田區議會轄下嘅文化、體育及社區發展委員會噚日開會,13項議程只係傾完第一樣就流會,肯肯定係泛民又搞抗爭啦!不過泛民區議員拒絕承擔責任,仲話呢次係建制派專登製造流會喎!
話說委員會噚日有一項議程,就係成立節日慶典工作小組同埋康體發展工作小組,前者負責籌劃沙田區嘅慶回歸及國慶活動,後者就做文化、體育及社區發展。
民主黨沙田區區議員李永成、丁士元話,開會嗰陣泛民議員比建制派多,班建制派為免兩個小組嘅主席位落入泛民手,於是喺傾完第一個項目,即係康文署交代完今個年度嘅工作計劃後,就砌詞不滿政府嘅表現拉隊離場。
丁士元仲鬧爆建制派做得肉酸,事關傾康文署工作計劃時,建制派為表不滿經已提咗個動議,泛民都有份支持,點知一傾完,成班建制派就好齊整咁拉隊走,仲唔係唔想畀泛民做小組主席?睇嚟建制派以後都冇資格再批評泛民搞流會喇。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載